ليلة ظلامها يشتي العين من بردها القارس … الله يستر من هالليلة و عساها تمر من غير وساوس .
حتى النوم عداني و تعداني و ابتدت ذيك الهواجس … فكرة تجي و فكرة تروح وفكرة تخلي العقل حايس .
قرب الفجر و انا جفني أبدن ما غفا و لا هو بناعس … شالعمل يا ليل وراك ما تخليني ثوب النوم لابس .
أشرقت الشمس و اشرق معاها يوم ثاني و لاني بناقص ! … عندها عيني غفت و غبت عن فكرن بالبال جالس .
أحمد عبدالواحد أحمد الشريدة