جريدة الحقيقة الإلكترونية
هنأ الرئيس عبد الفتاح السيسي، الشعب المصري بعيد شم النسيم، وعيد عمال مصر، “بهنيء الشباب الذي رفع اسم مصر خلال الايام اللي فاتت، وهقولهم بالاسم، لانهم حاجة تفرح بجهد فردي، وهي الاستاذة نور الشربيني التي حصلت على بطولة العالم في الاسكواش، ومحمد الشوربجي، لهم كل التهنئة، وفريق كرة اليد الذي حصل على الدورة الافريقية والذي تأهل للاولومبيات، وعمر الجزيري بطل العالم في الخميسي الحديث، وبكر ثالث عالم في الملاكة، ورمضان درويش ثالث عالم في الجودو، بوجهلهم التحية وبهنيهم ونفرح بيهم”.
وقال السيسي، خلال كلمته من الفرافرة تزامنًا مع اطلاق إشارة البدء لحصاد أول محصول للقمح بالمشروع بعد إن تم زراعة 7500 فدان منه هذا الموسم، الخميس، “الحقيقة كلمتي معاكم النهاردة هتكون كلمة مختلفة شوية، عن الكلمات السابقة التي كنت بتكلم بيها، وانما في الاسكندرية كده كنت ماشي على الكورنيش بدون ترتيب، ولقيت اتوبيس عام والناس اللي فيه بيحيوني والناس اللي فيه بتقولي متخافش احنا معاك، اسمعوا كلامي لو سمحتم وخلوني اقول كلامي لكل المصريين من خلاللكم، وتوقفت كثيراً ليه هما قالولي كده احنا معاك متخافش، وانا هاخد المنبر ده اني ارد عليهم واقولهم اللي يقف يوم 3/7 مايخافش خالص، انتم مش واخدين بالكم، مش المصريين قوي الشر كلها، واللي يقف في نوفبر 2013 ويدعوا لحوار مع النظام في الوقت ده مابيخافش، واللي يقف في الكلية الحربية في يناير، أن مصر تقف في نفق مظلم، واللي يقف ويدي مهله 7 أيام وتنتهي الازمة ما بيخافش”.
وأضاف قائلا :” أنا بطمن كل مصري، من كتر زحمة الاحداث قلق، أنا اخذت 2000 قرار واللي ياخد القرار ما بيخافش نهائي من اى حاجة، انا بطمن البسطاء على مصر، وانا هتكلم بالتفصيل على الانجازات التي حدثت، وهقول للمصريين في شهر 6 كشف حساب للعامين الماضين”.
