الرئيسية / أقسام أخرى / فن وثقافة / دينا الشربيني تكشف أسرار بدايتها ومفاجأة عن علاقتها بعمرو دياب

دينا الشربيني تكشف أسرار بدايتها ومفاجأة عن علاقتها بعمرو دياب

استضافت الإعلامية المصرية منى الشاذلي الممثلة المصرية دينا الشربيني في برنامجها “معكم منى الشاذلي” الذي يعرض على فضائية السي بي سي، وقد صرحت دينا الشربيني بالعديد من الأسرار عن حياتها الشخصية وكيف كانت بدايتها في برنامج شبابيك.

وعند بدايتها مع التمثيل قالت الفنانة المصرية: “مامتي مكانتش موافقة إني أدخل التمثيل، وخدت وقتها ورشة تمثيل، وأنا في الورشة كانوا عايزين مذيعين في (دريم)، وكان في حد هناك قالي تعالي إعملي انترفيو، وقولت لـ بابا ووافق وقالي (اشتغلي مذيعة وفي نفس الوقت هتاخدي خبرة)، وكان الموضوع خطوة في حياتي ومكانش طموحي”.

وأضافت: “انتقلت بعد (دريم) لقناة (روتانا) وقدمت برنامج (عز الشباب)”.وأضافت: “قعدت 7 سنين في الجامعة، لأن كان عندي شغلي وقتها، وخدت ملاحق في تانية اعدادى وتانية ثانوي”

دينا الشربيني وعلاقتها بالسوشيال ميديا

وفي حديثها عن علاقتها بمواقع التواصل الاجتماعي قالت دينا الشربيني: “علاقتي بالسوشيال ميديا نيلة.. بحس إني مش شاطرة فيها وممكن أعك الدنيا وكمان الناس فيها متدخلين في حياة بعض أوي.. لكن بحب التيك توك”.

وخلال حديثها عن تجاربها التي تعلمت منها قالت الشربيني: “اتعلمت إن ممكن أبقى شايفة حد من برا إن حياته بشكل ما لكنها في الحقيقة بشكل تانى.. يعنى ممكن تبقي شايفة حاجة من برا بس عمرك ما تبقى عارفة إيه اللى جوا.. لذلك لا تحكم ولا تتكلم في الموضوع أصلا لأن عمرك ما هتعرف إيه اللى بيحصل”.

وقالت دينا إن ثقتها في الله كبيرة، وأنها تنتظر الأفضل في الفترة المقبلة، وأوضحت”اتعلمت كمان إن دايما ربنا بيبقي شايلك الأحسن وبيجبلك الحاجات في الوقت المناسب.. ومفيش حاجة ربنا عملهالك من غير سبب.. هو عملها عشان تتعلمي منها حاجة”

لتقاطعها الإعلامية منى الشاذلي وتضيف قائلة: “يعنى اتعلمتي إن مينزلكيش صورة مكتوب عليها فريق العمل؟” في إشارة منها على علاقة دينا الشربيني بالهضبة عمرو دياب، وقالت الأخيرة: “ده أكيد.. والله ما هتشوفوني فريق عمل في حياتى.. هيبقي في عمل بس”.

وأكملت حديثها وقالت: “فضلت فترة بيتقال (فريق العمل راح وجه)، بس أنا مش من النوع اللى بيدور كتير على السوشيال ميديا فمكنتش بقرأ كل الكلام ده، وكمان عمرى ما هعرف أحكم الناس يقولوا إيه وميقولوش إيه، بس اتعلمت إن بعد كده مش هيبقى في فريق عمل هيبقى في عمل بس”.

وعلى صعيد آخر يذكر أن دينا الشربيني كانت مرتبطة في 2018 بالمطرب عمرو دياب وكانت دينا ضمن فريق عمل فيلمه الجديد والذي يدعي “الشهرة” والذي لم يعرض حتى الآن.

حيث استخدم جمهور عمرو دياب كلمة فريق العمل والذي استخدمها دياب لوصف علاقته بدينا مؤخراً وتصدرت تلك الحملة مواقع التواصل الاجتماعي وقتها.

عن ALHAKEA

اضف رد

لن يتم نشر البريد الإلكتروني . الحقول المطلوبة مشار لها بـ *

*