جريدة الحقيقة الإلكترونية
شفت بعيني محدش قالي ! .
——————————————-
ياجماعة امس شفت بعيني حسافه حسافه حسافه شي لو ابى اقوله لشخص غريب ما راح يصدقني معقولة هذا يصير بالكويت ! .. ثم اضاف الشاب : والله شي يخجل معقولة وصل الحال الى هذي الدرجة معقولة بوابة مستشفي الجهراء وببوابت الحوادث بعد المرضي صافين دور ينطرون كراسي متحركة تنقلهم الى الاطباء ؟ .
الرجل : معقولة ونص وللاسف هذا حاصل بالكويت انا قبلك شفت هالشي بعيني وعقبها كل ما اروح للمستشفي اخلي معاي بالسيارة كرسي متحرك لطواري يمكن يحتاجه احد من الاهل .
الخبير : والله فكرة خطرت ببالي من كلامكم .. ماتيجوا نطبقها على اهل الديوانية بحيث كل واحد منهم يقول شفت بعيني محدش قالي عن اي موضوع سلبي شافه .
الشايب : اهب يالخبير والله جببتها .. والبداية راح تكون مني شفت بعيني محدش قالي ارتفع سعر الديزل والاسعار طارت وراه .. وانا عندي يقين كامل الاهليه ان السعر اللي ارتفع ماراح يرجع حتي لو رجعوا سعر الديزل لسعره القديم .
المعاق : شفت بعيني محدش قالي قرارات بعض الوزراء وبعض النواب حفظهم الله ورعاهم عجيبة يدعون محاربة الفساد وبالوقت نفسه يعينون وينصبون ناس بقرارات براشوتيه اشلون الله اعلم .
الشاب : شفت بعيني محدش قالي حسافه حسافه حسافه الرياضة بانحدار تام وعام من كم سنه وخصوصا اللعبة الشعبية الاولي المدعوه كرة قدم كل يوم هزايم وخيبات رجاء والوضع على ماهو عليه لان ماشفنا محاسبة ولا رقابة نتوسم منها خير .
الرجل : شفت بعيني محدش قالي لنا حوالي ثلاثين سنه وحنا ساكنين بمنطقة النسيم ولليوم ماعندنا ثانوية لا للبنين ولا للبنات .. وانا من من خلال ديوانيتنا اطالب سعادة المحافظ بتبني اقتراحنا عند المسئولين اللي مسكرين عيونهم عن قرايت الجرايد وشكاوي المواطنين .
الخبير : شفت بعيني محدش قالي حسافه حسافه حسافه الكويت اكثر بلد بيعمل ورش عمل بتتكلم عن مؤشرات الفساد والهدر والتسيب وخبراء رايحه جايه والنتيجه يبقي الوضع على ماهو عليه بل كل يوم بيزيد كم حبه عن اليوم اللي قبله .
الشاب : شفت بعيني محدش قالي حسافه حسافه حسافه واحنا بزمن اصبح فيه العالم قرية صغيرة نسمع عن جرايد وقنوات فضائية تتوقف .. وبعد كل هذا يصرح مصدر مسؤول بان هالكلام عار من الصحه لان مسطرة الوزارة واحدة في تطبيق القانون .. مادري اللي تسكروا هم خببابيز ايرانيه والا وسائل اعلامية ؟ .
المتمولس : واحد يسال زوجته لو مت تتزوجين بعدي .. قالت الله اكبر عليكم يالرجال تتزوج على ثلاث وانا حيه وحاسدني على واحد وانت ميت .. وفي هذه الاثناء رفع على مسامعنا الشيخ زغلول اذان الظهر .
محمد خلف الشمري
