جريدة الحقيقة الإلكترونية
هذي بلدنا تنعي اليوم عباس
راع الفعول الوافيات الجزيله!!
من طيب فعله صار تاجٍ على الراس
رمز البلاد العامره والقبيله!!
بعض الرجال افعالهم صعْب تنقاس
خصٍ على اللي تعْسف المستحيله!!
ارثيك يامن سيرته فخْر للناس
اذكارها تبْقى سنينٍ طويله!!
على الشرف والعز مع كل نوماس
قضّيت عمرك للمراجل دليله!!
من يصْعد العليا من الناس نبراس
شعاع نوره في نهاره وليله!!
تشْهد بلدنا وانت من قلب واحساس
هم المواطن في ضميرك تشيله!!
ياما بذلت الطيب واتقول لاباس
لابد نجني عند ربي حصيله!!
وياما حميت الدار من غدر الانجاس بالفكْر ولاّ بالسيوف الصقيله!!
وش حيلتي بالموت قطّاع الانفاس
امرٍ من الخلاّق مافيه حيله!!
يارب ترحم طيّب الذكْر والساس
عساه في جنات عدْن الظليله!!
مافيه رجّالٍ طلع مثل عباس
إلا الذي بالمرجله شد حيله!!
عبدالله مبارك الردعان
